ដោយ បាយ៉ង់ថែមស៍
ខែត្រព្រះសីហនុ៖ លោកជំទាវ យូ ចន្ថា ស្នើសុំសម្ដេចនាយករដ្ឋមន្រ្តី និង អភិបាលខែត្រព្រះសីហនុ ជួយរកយុត្តិធម៌ ខណៈគេហដ្ឋានរបស់គាត់ ស្ថិតក្នុងភូមិ១ សង្កាត់លេខ៣ ក្រុងខែត្រព្រះសីហនុ ដែលបានសាងសង់តាំងពីឆ្នាំ២០០៥ ប្រឈមនឹងការរុះរើ នៅថ្ងៃទី២២ សីហា ២០១៩ តាមអំណាចដីកាសម្រេចរក្សាការពារ របស់សាលាដំបូងខែត្រព្រះសីហនុ ។
លោកជំទាវ បានលើកឡើងដូច្នេះ នៅក្នុងសន្និសីទសារពត៌មានមួយ កាលពីថ្ងៃទី២០ សីហា ២០១៩ នឹងទីតាំងមានទំនាស់ក្នុងសង្កាត់លេខ៣ ក្រុងខែត្រព្រះសីហនុ ។
លោកជំទាវ លើកឡើងទៀតថា រូបគាត់ទទួលរងនូវភាពអយុត្តិធម៌ណាស់ ដោយផ្ទះកំសត់របស់គាត់តាំងពីឆ្នាំ២០០៥ តែឥឡូវបែរជាភាគីម្ខាងទៀតមកអះអាងថាគេមានប្លង់រឹង ហើយតុលាការទំនងជាតក់ក្រហល់ចុះអនុវត្តដីកាសម្រេចរក្សាការពារ ក្នុងគ្រាដែលអង្គសេចក្ដីមិនទាន់ចប់នៅឡើយ ។
លោកជំទាវ ក៏បានអំពាវនាវដោយទទួច ស្នើសុំតុលាការពន្យារពេលអនុវត្តដីកាសម្រេចរក្សាការពារ រហូតដល់អង្គសេចក្ដី ចប់សិន ៕
