ដោយ:ប.ជ័យ/បន្ទាយមានជ័យ:ជនសង្ស័យចំនួន៣នាក់ត្រូវបញ្ជូនទៅឃុំនិងទៅមណ្ឌលអប់រំបន្សាបប្រើប្រាស់គ្រឿងញៀនដែលអាវុធហត្ថបង្ក្រាបកាលពីពេលកន្លេងមក។ជនសង្ស័យចំនួន៣នាក់មាន ១ឈ្មោះ ផាន សុភ័ក្រ ភេទ ប្រុស អាយុ ១៧ឆ្នាំ។
២ឈ្មោះ ព្រឿង ប៊ុនឡេង ភេទ ប្រុស អាយុ ១៨ឆ្នាំ និង៣ឈ្មោះសុខារក្សាភេទប្រុសអាយុ២០ឆ្នាំ។សមត្ថកិច្ចដកហូតវត្ថុតាងឧបករណ៍ជក់គ្រឿងញៀនមួយចំនួន-ទូរស័ព្ទដៃ ចំនួន៣គ្រឿង។
លោកវរសេនីយ៍ត្រី យ៉ាន់ សុវណ្ណមេបញ្ជាការមូលដ្ឋានកងរាជអាវុធក្រុងសិរីសោភ័ណបានឱ្យដឹងថា កាលពីល្ងាចថ្ងៃទី៣១ខែកក្កដាឆ្នាំ២០១៩កម្លាំងកងរាជអាវុធហត្ថខេត្តសហការជាមួយកម្លាំងមូលដ្ឋានកងរាជអាវុធហត្ថក្រុងបានចុះល្បាតការពារសន្តិសុខរក្សាសុវត្ថិភាពក្នុងក្រុងសិរីសោភ័ណ។
លុះក្បួនល្បាតទៅដល់ចំណុចស្ពានទី៣លើផ្លូវជាតិលេខ៦ស្រាប់តែប្រទះឃើញក្មេងស្ទាវ១ក្រុម កំពុងតែផ្តុំគ្នាប្រើប្រាស់គ្រឿងញៀន ។ ក្នុងនោះកម្លាំង ឃាត់ខ្លួនបានចំនួន៣នាក់ ៕
